Nuri Seferi - Official Website Corp.

Kryetari i komunë së Gostivarit, Rufi Osmani priti në kabinetin e tij boksierin e njohur gostivaras Nuri Seferi, kampion evropian në kategorinë gjysmë të rëndë. Kryetari Osmani fillimisht uroi boksierin Seferi për sukseset e tija të deritashme dhe i dëshiroi fat në sfidat e ardhshme duke i dëshiruar atij që një ditë të arrijë synimin e tij për t’u bërë kampion bote.

Osmani njoftoi kampionin Seferi se komuna e Gostivarit e konsideron sportin si një fushë të rëndësishme të shoqërisë dhe se sportistët të cilët me sukses prezantojnë vendlindjen e tyre, kanë një respekt të veçantë në shoqëri.

Kampioni evropian në versionin WBO, i njohur edhe me nofkën “Tajsoni shqiptar” tha se ai në çdo paraqitje, promovon edhe vendlindjen e tij Gostivarin. Nuri Seferi, më 24 shtator, do ta zhvillojë ndeshjen e radhës në Gostivar ku për të mbrojtur titullin aktual të kampionit, do të ndeshet me boksierin belg, 37 vjeçarin Tony Ingelrest.

22.09.11 (INA)